ശുദ്ധവും ദീർഘകാലം നിലനിൽക്കുന്നതുമായ ഊർജസ്രോതസ് വികസിപ്പിക്കാനുള്ള ശ്രമത്തിൽ ചൈന നിർണായക മുന്നേറ്റം കൈവരിച്ചു. ആണവ സംയോജന (Nuclear Fusion) സാങ്കേതികവിദ്യയെ അടിസ്ഥാനമാക്കിയുള്ള ‘കൃത്രിമ സൂര്യൻ’ പദ്ധതിയിൽ പുതിയ നേട്ടം കൈവരിച്ചതായാണ് റിപ്പോർട്ടുകൾ. സൂര്യനിൽ ഊർജം ഉൽപാദിപ്പിക്കുന്ന അതേ പ്രക്രിയ ഭൂമിയിൽ നിയന്ത്രിതമായി പുനഃസൃഷ്ടിക്കുകയാണ് പദ്ധതിയുടെ ലക്ഷ്യം.ഈ സാങ്കേതികവിദ്യ വിജയകരമാകുകയാണെങ്കിൽ, കാർബൺ പുറന്തള്ളൽ കുറഞ്ഞതും സുരക്ഷിതവുമായ, ഏകദേശം പരിധിയില്ലാത്ത ശുദ്ധ ഊർജം ഉൽപാദിപ്പിക്കാൻ കഴിയുമെന്നാണ് ശാസ്ത്രലോകത്തിന്റെ പ്രതീക്ഷ. ലോകമെമ്പാടുമുള്ള ശാസ്ത്രജ്ഞരുടെ ശ്രദ്ധ നേടിയിരിക്കുന്ന ചൈനയുടെ ഈ മുന്നേറ്റം, ഭാവിയിലെ ഊർജരംഗത്ത് വലിയ മാറ്റങ്ങൾക്ക് വഴിയൊരുക്കുമെന്നാണ് വിലയിരുത്തൽ.
About The Author
