24 കാരറ്റ് സ്വർണം ഉപയോഗിച്ച് നിർമ്മിച്ച ടോയ്ലറ്റ് പേപ്പർ റോൾ വീണ്ടും സോഷ്യൽ മീഡിയയിലും ആഡംബര ഉൽപ്പന്നങ്ങളുടെ ലോകത്തും ശ്രദ്ധ നേടുന്നു. ഓസ്ട്രേലിയൻ കമ്പനിയായ Toilet Paper Man അവതരിപ്പിച്ച ഈ അത്യാഡംബര ഉൽപ്പന്നത്തിന് ഒരു റോളിന് ഏകദേശം ₹9 കോടി മുതൽ ₹13 കോടി വരെയാണ് വിലയെന്നാണ് റിപ്പോർട്ടുകൾ.ഓരോ ഷീറ്റിലും സൂക്ഷ്മമായ 24 കാരറ്റ് സ്വർണപ്പാളികൾ ഉൾപ്പെടുത്തിയിരിക്കുന്നതാണ് ഈ ടോയ്ലറ്റ് പേപ്പറിന്റെ പ്രത്യേകത. ഉപയോഗിക്കുമ്പോൾ ചെറിയ സ്വർണകണങ്ങൾ പോലും താഴേക്ക് വീഴുന്ന തരത്തിലാണ് ഇത് രൂപകൽപ്പന ചെയ്തിരിക്കുന്നതെന്നും റിപ്പോർട്ടുകളുണ്ട്. സമ്പന്നർക്കായി ഒരുക്കിയിരിക്കുന്ന ഈ അപൂർവ ഉൽപ്പന്നം ഉപയോഗത്തിനേക്കാൾ ആഡംബരത്തിന്റെ പ്രതീകമായാണ് വിലയിരുത്തപ്പെടുന്നത്. കോടികളുടെ വിലയും വ്യത്യസ്തമായ ആശയവും കാരണം ഈ സ്വർണ ടോയ്ലറ്റ് പേപ്പർ വീണ്ടും കൗതുകവും ചർച്ചകളും സൃഷ്ടിക്കുകയാണ്.
About The Author
