ആക്ഷൻ രംഗങ്ങൾ ഏറെ ഇഷ്ടമാണെന്നും അവസരം ലഭിച്ചാൽ മികച്ച ആക്ഷൻ കഥാപാത്രങ്ങളെ അവതരിപ്പിക്കാൻ താൽപര്യമുണ്ടെന്നും സാനിയ പറഞ്ഞു.
വരാനിരിക്കുന്ന തന്റെ പുതിയ ചിത്രത്തിൽ ഒരു ആക്ഷൻ സീക്വൻസ് ഉണ്ടെന്നും അത് ചിത്രത്തിന്റെ പ്രധാന ആകർഷണങ്ങളിലൊന്നായിരിക്കുമെന്നും താരം വ്യക്തമാക്കി.
ചിത്രീകരണത്തിനായി പ്രത്യേക പരിശീലനം നേടിയതായും സാനിയ പറഞ്ഞു. കല്ല്യാണി പ്രിയദർശൻ നായികയായെത്തുന്ന ‘ലോക’ എന്ന ചിത്രത്തെ കുറിച്ചും സാനിയ സംസാരിച്ചു. ഹീറോ ആക്ഷൻ ചിത്രങ്ങളിൽ മാത്രം ഒതുങ്ങാതെ സ്ത്രീകേന്ദ്ര കഥാപാത്രങ്ങളെയും പ്രേക്ഷകർ സ്വീകരിക്കുന്നുണ്ടെന്നും, മലയാളത്തിലും മറ്റ് ഭാഷകളിലും ശക്തമായ വനിതാ ആക്ഷൻ സിനിമകൾ വരേണ്ട സമയമാണിതെന്നും സാനിയ അഭിപ്രായപ്പെട്ടു.
അടുത്തിടെ പുറത്തിറങ്ങിയ നിരവധി ചിത്രങ്ങളിലെ വനിതാ കഥാപാത്രങ്ങൾ പ്രേക്ഷക ശ്രദ്ധ നേടിയ സാഹചര്യത്തിൽ, ഭാവിയിൽ കൂടുതൽ ആക്ഷൻ വേഷങ്ങളിൽ തന്നെ കാണാൻ കഴിയുമെന്ന പ്രതീക്ഷയും താരം പങ്കുവെച്ചു.
About The Author
