മോഹന്ലാല് നായകനായ സിനിമയ്ക്ക് ശബരിമലയില് ചിത്രീകരണത്തിന് അനുമതി. തരുണ് മൂര്ത്തി സംവിധാനം ചെയ്യുന്ന ‘അതിമനോഹരം’ എന്ന ചിത്രത്തിനാണ് തിരുവിതാംകൂര് ദേവസ്വം ബോര്ഡ് അനുമതി നല്കിയത്.സിനിമയുടെ സ്ക്രിപ്റ്റ് പൂര്ണമായും
ബോര്ഡിന് കൈമാറണം എന്നതാണ് ഒരു ഉപാധി. ശബരിമലയേയോ ക്ഷേത്ര സങ്കല്പ്പത്തെയോ വിശ്വാസത്തെയോ മോശമാക്കുന്ന ഭാഗങ്ങള്
സ്ക്രിപ്റ്റില് പാടില്ല. ഷൂട്ടിങ്ങിന് മുന്പ് 50000 രൂപ ബോര്ഡില് കെട്ടിവെയ്ക്കണം. ചിത്രീകരണത്തിന് വനം വകുപ്പില് നിന്നും അനുമതി വാങ്ങണമെന്ന ഉപാധിയും വെച്ചിട്ടുണ്ട്.ചിത്രത്തിന്റെ രണ്ടാം ഷെഡ്യൂളാണ് ശബരിമലയില് ചിത്രീകരിക്കുക. കഴിഞ്ഞ ദിവസം തരുണ് മൂര്ത്തി ദേവസ്വം ബോര്ഡ് ഓഫീസില് എത്തുകയും തിരുവിതാംകൂര് ദേവസ്വം ബോര്ഡ് അധ്യക്ഷന് കെ ജയകുമാര് ഉള്പ്പടെയുള്ളവരോട് കൂടിക്കാഴ്ച നടക്കുകയും ചെയ്തിരുന്നു.തുടരും എന്ന ചിത്രത്തിനു ശേഷം അടുത്ത മോഹന്ലാല് – തരുണ് മൂര്ത്തി ചിത്രമാണ് ‘അതിമനോഹരം’. ആഷിഖ് ഉസ്മാന് പ്രൊഡക്ഷന്സിന്റെ ബാനറില് ആദ്യമായി എത്തുന്ന മോഹന്ലാല് ചിത്രം എന്ന പ്രത്യേകത കൂടിയുണ്ട്. ചിത്രത്തിന്റെ തിരക്കഥ ഒരുക്കുന്നത് രതീഷ് രവി ആണ്. തുടരും ഉള്പ്പെടെ ലാലേട്ടന്റെ സൂപ്പര്ഹിറ്റ് സിനിമകള്ക്ക് ക്യാമറ ചലിപ്പിച്ച ഷാജി കുമാറാണ് ഛായാഗ്രഹണം നിര്വക്കുന്നത്.
About The Author
