തിരുവനന്തപുരം: സർക്കാർ സ്കൂളുകളിലെ ഉച്ചഭക്ഷണ പദ്ധതിയിൽ ബിരിയാണി, ഫ്രൈഡ് റൈസ് തുടങ്ങിയ പ്രത്യേക വിഭവങ്ങൾ വ്യാപകമായി നടപ്പാക്കാനുള്ള നീക്കം താൽക്കാലികമായി മാറ്റിവെച്ചതായി സൂചന. സാമ്പത്തിക പരിമിതികളും സ്കൂളുകൾ നേരിടുന്ന പ്രായോഗിക ബുദ്ധിമുട്ടുകളും പരിഗണിച്ചാണ് തീരുമാനം.
പുതിയ വിഭവങ്ങൾ ഉൾപ്പെടുത്തിയാൽ ഭക്ഷണച്ചെലവ് ഉയരുമെന്നും നിലവിലെ ഫണ്ട് ഉപയോഗിച്ച് പദ്ധതി മുന്നോട്ടുകൊണ്ടുപോകുന്നത് പല സ്കൂളുകൾക്കും ബുദ്ധിമുട്ടാകുമെന്നും സ്കൂൾ അധികൃതർ അറിയിച്ചിരുന്നു. ഇതേത്തുടർന്ന് ലളിതമായ മെനു തുടരുന്നതാണ് നിലവിൽ കൂടുതൽ പ്രായോഗികമെന്ന നിലപാടിലാണ് വിദ്യാഭ്യാസ വകുപ്പ്.
അതേസമയം, വിദ്യാർഥികൾക്ക് പോഷകസമൃദ്ധമായ ഭക്ഷണം ഉറപ്പാക്കുന്നതിൽ യാതൊരു വിട്ടുവീഴ്ചയും ഉണ്ടാകില്ലെന്നും ആവശ്യമായ സാഹചര്യങ്ങളിൽ ഭാവിയിൽ മെനു പരിഷ്കാരം വീണ്ടും പരിഗണിക്കാമെന്നും ബന്ധപ്പെട്ട വൃത്തങ്ങൾ അറിയിച്ചു.
About The Author
