വയറ്റിലെ കൊഴുപ്പ് ക്യാൻസറിന് നേരിട്ടുള്ള കാരണമല്ലെങ്കിലും അസാധാരണമായ കോശവളർച്ചയ്ക്കുള്ള സാധ്യത വർദ്ധിപ്പിക്കുന്ന മാറ്റങ്ങൾക്ക് ഇത് കാരണമാകുന്നു. ശരീരത്തിലെ എല്ലാ കൊഴുപ്പും ഒരേ രീതിയിൽ പ്രവർത്തിക്കുന്നില്ല. കരൾ, പാൻക്രിയാസ്, കുടൽ തുടങ്ങിയ അവയവങ്ങൾക്ക് ചുറ്റും വയറിലെ കൊഴുപ്പ് കൊളോറെക്ടൽ ക്യാൻസർ, കരൾ ക്യാൻസർ, പാൻക്രിയാറ്റിക് ക്യാൻസർ, വൃക്ക ക്യാൻസർ, അന്നനാള ക്യാൻസർ, ഗർഭാശയ ക്യാൻസർ, ആർത്തവവിരാമത്തിനു ശേഷമുള്ള സ്തനാർബുദം, പ്രോസ്റ്റേറ്റ് ക്യാൻസർ തുടങ്ങിയ ക്യാൻസറിന്റെ ലക്ഷണമാണ്.അമിതഭാരം 13 വ്യത്യസ്ത തരം ക്യാൻസറുകളുമായി ബന്ധപ്പെട്ടിരിക്കുന്നതായി ഇന്റർനാഷണൽ ഏജൻസി ഫോർ റിസർച്ച് ഓൺ ക്യാൻസർ വ്യക്തമാക്കുന്നു. ഇത് ലോകമെമ്പാടുമുള്ള ക്യാൻസർ കേസുകളിൽ ഗണ്യമായ അനുപാതത്തിന് കാരണമാകുന്നു.പുകയില ഉപയോഗം, മദ്യപാനം എന്നിവയ്ക്കൊപ്പം ക്യാൻസറിനുള്ള അപകട ഘടകങ്ങളിൽ അമിതഭാരവും പൊണ്ണത്തടിയും ഉൾപ്പെടുന്നുവെന്ന് ലോകാരോഗ്യ സംഘടന വ്യക്തമാക്കുന്നു. വിസറൽ കൊഴുപ്പ് പ്രമേഹം, ഉയർന്ന രക്തസമ്മർദ്ദം, ഫാറ്റി ലിവർ രോഗം, അസാധാരണമായ കൊളസ്ട്രോൾ അളവ്, മെറ്റബോളിക് സിൻഡ്രോം എന്നിവയുമായി ബന്ധപ്പെട്ടിരിക്കുന്നു.
About The Author
